ტრენინგები, სემინარები და სამუშაო შეხვედრები

დღესდღეობით დასაქმების ბაზარზე, არსებობს უამრავი გზა რითაც ადამიანს შეუძლია მიიღოს ინფორმაცია პოტენციურ სამუშაოზე და დამსაქმებელზე, მაგრამ მნიშვნელოვანი ეტაპია საკუთარი თავის სწორად წარდგენა მომავალი დამსაქმებლის წინაშე, რის საერთაშორისოდ მიღებულ სტანდარტებად ითვლება CV, რეზიუმე, სამოტივაციო წერილი და თანდართული წერილი. სამწუხაროდ დღევანდელ რეალობაში ხშირად ვხვდებით ზემოხსენებული სტანდარტების უცოდინრობას, რაც დასაქმების ბაზარზე ადამიანს ნაკლებად კონკურენტუნარიანს ხდის და ართულებს მისთვის სასურველი სამუშაო პოზიციის დაკავებას. სხვადასხვა ორგანიზაციების კადრების განყოფილების თანამშრომელთა უმრავლესობა მხოლოდ რამდენიმე წამს ანდომებს თითოეული სივის გადახედვას და მათზე „კი“ ან „არა“ სტატუსის მინიჭებას. ამ სემინარზე მონაწილეები გაეცნობიან CV – ს, რეზიუმეს, სამოტივაციო წერილისა და თანდართული წერილის სტრუქტურას და მათი გამოყენების წესებს, ასევე, მიიღებენ რამდენიმე რჩევას თუ შეხვედრამდე როგორ უნდა უთხრან დამსაქმებელს „შენ მე გჭირდები“ და მოახერხონ შემდეგ ეტაპზე, გასაუბრებაზე, გასვლა.