კონფერენცია „ახალგაზრდული სამეცნიერო გაერთიანების“ პრეზიდენტმა ვახტანგ თებიძემ გახსნა. მან ამ ღონისძიების მნიშვნელობაზე, სტუმრებზე და პარტნიორებზე ისაუბრა.
მარინა გიორგობიანმა 21-ე საუკუნეში ჯანდაცვის გამოწვევებზე ისაუბრა და ხაზი გაუსვა ახალგაზრდების როლს ამ სფეროში .
ოთარ გერზმავამ კონფერენციის და ,ზოგადად, ჯანდაცვის სისტემის მნიშვნელობაზე ისაუბრა.
საფრანგეთის საელჩოს წარმომადგენელმა ტერი ბიურტემ ისაუბრა მიზეზებზე თუ რატომ არის საჭირო ამ ტიპის ღონისძიებების ხელშეწყობა, მან სტუდენტებს ჩართულობისთვის მადლობა გადაუხადა და თქვა, რომ მათთვის საფრანგეთის კარი ყოველთვის ღიაა.
თბილისის სახელმწიფო სამედიცინო უნივერსიტეტის ვიცე რექტორმა რიმა ბერიაშვილმა ჯანდაცვის სფეროში ფრანგული ენის მნიშვნელობაზე ისაუბრა. ასევე მან სტუდენტებს მადლობა ეპიდემიოლოგიური კვლევის ჩატარებისთვის გადაუხადა.
“ბიო მედის” წარმომადგენელმა მიხეილ მიქელაძემ მადლობა გადაუხადა კონფერენციის მონაწილეებს და ორგანიზატორებს. წარმატება უსურვა და ასევე აღნიშნა, რომ “ბიო მედი” ყოველთვის მხარს უჭერს მსგავს ღონისძიებებს.
თბილისის სახელმწიფო სამედიცინო უნივერსიტეტის თვითმმართველობის პრეზიდენტმა გიორგი მიქაძემ განაცხადა, რომ ძალიან მნიშვნელოვანია სტუდენტების აქტიურობა და აღნიშნა, რომ მათთან მუდმივი თანამშრომლობის დიდი სურვილი აქვს.
კონფერენციის პირველი სესიის წამყვანები: ბიძინა ზურაშვილი, თამარ მაზიაშვილი.
კახა ბრეგვაძე – კანის დაავადებათა ეპიდემიოლოგია და ტვირთი
გიორგი მაზიაშვილი, ლუკა კაციტაძე – პერსონალიზირებული მედიცინა 21–ე საუკუნეში
დალი ხუხუნაშვილი, თამარ ზურაბაშვილი – რძე და რძის ნაწარმში ტრანს ცხიმების კონტროლი.
ანა გოგოლაშვილი, მარიამ ფესტვენიძე, ზურა კაციტაძე – 21–ე საუკუნის გამოწვევა: ბაქტერიოფაგი, ბიოფილმი და ანტიბიოტიკორეზისტენტობა
სოფო ნათენაძე, თამთა გაგნიძე – სალმონელებით გამოწვეული კვებითი მოშხამვების ეპიდემიოლოგიური თავისებურებები საქართველოში
ნიკოლოზ მიქელაძე – კიბოს, ვაქცინით, პრევენცია
კონფერენციის მეორე სესიის წამყვანები: რევაზ კვერენჩხილაძე, სალომე ყიფშიძე
ირაკლი ცხაკაია – ბაქტერიული სპექტრი COPD პაციენტების მდგომარეობის გართულებაში
ელენე კუკულაძე, სანდრო კვერენჩხილაძე – თბილისის ატმოსფერულ ჰაერში მყარი ნაწილაკების შემცველობის თავისებურებები
მარიამი ხურციძე – ჯანდაცვის დაზღვევა
თამარი ნებიერიძე, მარეხ სალდაძე – აივ-ინფექცია, როგორც გლობალური ჯანმრთელობის მთავარი გამოწვევა
მარიამ მეფარიძე – თბილისის ატმოსფერული ჰაერის დაბინძურების ძირითადი წყაროები და ონკოლოგიურ დაავადებათა გავრცელების მაჩვენებლები.
კონფერენციის დასკვნით ნაწილში “ახალგაზრდული სამეცნიერო გაერთიანების” პრეზიდენტმა ვახტანგ თებიძემ სიტყვა, ამ ორგანიზაციის ერთ-ერთი პლატფორმის სტუდენტური სამეცნიერო კვლევითი კლუბი “ვიტალისის” პრეზიდენტ მარიამ შავერდაშვილს, შემდეგ კი MedGuide 101-ის გუნდის წევრ გიორგი მაზიაშვილს გადასცა და თქვა რომ “ახალგაზრდული სამეცნიერო გაერთიანება” ყოველთვის მზადაა ითანამშრომლოს საერთო ინტერესების მქონე ორგანიზაციებთან, რომლებიც მოტივირებული ახალგაზრდებითაა დაკომპლექტებული და საზოგადოებისთვის სასარგებლო საქმეს ეწევიან.
კონფერენციის დასასრულს მონაწილეებს სერტიფიკატები გადასცეს : ვახტანგ თებიძემ, გიორგი გაგუამ და თამარა მაზიაშვილმა